Kan jia aiu ia ki kynthei na Meghalaya ba shongkha sha Assam na kane ka NRC:Dr  Azad

Shillong, Nailur 04: U Dr Azad Zaman MLA jong ka Rajabala West Garo Hills District ba dei na ka party Congress mynta ka sngi u la leit ban ai ia ka dorkhas sha u Myntri rangbah ka jylla u Conrad K Sangma ha kaba ia dei bad ka National Registration Citizens (NRC).

Haba kren ha ki Lat ptpathai khubor ha dien ka jingiakynduh ia u myntri rangbah ka jylla u la ong ba u don ka jingsngewkhia na ka bynta ki kynthei na kane ka jylla Meghalaya kiba shong shongkha sha Assam, kiba kynthup ia ki Khasi, Garo bad kiwei ki jaidbynriew de namar lyngba kane ka NRC kila shah niew nongwei hala ka jong ka Ri.

Ha kane ka jingiakynduh na ka liang jong u MLA ka Rajabala u la kyntu ia ka sorkar ba phah da ka jingthoh sha Supreme Court ban kyrpad ba ia ki kynthei na kane ka jylla Meghalaya dei ban kynthup ha ka NRC ha dien bala pynbiang ia ki kot ki sla na kane ka jylla.

Haba jubab ia ki jingkylli, u Dr Azad u la ong ba ki don palat phew hajar ki kynthei na kane ka jylla Meghalaya kiba shongkha ha Assam, ka long kaei kaei kaba ym lah ban sngewthuh ba u para nong India ha Assam u dei u nongwei katba ha Meghalaya ki dei ki nong India.

Ha kane ka jingiakynduh na ka liang jong u myntri rangbah ha kane ka jingiakynduh bad u Dr Azad, u la ai ka jingkular ba ka sorkar kan sa shim khia ia kane ka jingai jingmut ban peit ba ki nong Meghalaya kiba sah ha Assam kin nym ia kynduh jingeh.

Na ka liang jong u Dr Azad u la iathuh ba ka NRC kam shym la pdiang ia ki kot ki sla kiba la ai da ki kynthei jong ka jylla Meghalaya kiba shong kha ha Assam. Kane ka jingbym pdiang ia ki kot ki sla kan buh ia ki jingeh ia ki kynthei na kane ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet