Shillong, Jylliew 26: Ki jaidbynriew Rabha ki dei ki briew jong ka jylla Meghalaya bad ka sorkar kan iai bteng ban kyntiew ia kane ka jaidbynriew bad ia baroh ki jaidbynriew, ka long kaei kaei kaba ishongkum ba bat skhem ia la ka thymmei namar ka thymmei ka dei ka jingsarong kum ki riewlum.
Haba kren ha ka jingrakhe ia ka jingdap phra snem ka seng All Rabha Students’ Union jong ka Meghalaya ha ka jingialang ha Manikganj ha North Garo Hills, la ong ba ki riewlum hapoh ka Ri India ki ioh ia la ka jong ka bynta bad kan long ka burom ban ioh ia ka President ba nyngkong na ki Riewlum bad kane kan long u mawjam sha khmat.
Kane ka jingiakynduh lang mynta ka sngi ka don ar bynta kawei ka dei ka lehkmen Baiko Dera bad ka jingialang kaba phra ka seng samla pule ia kaba la tip kum ka ARSUM kaba la pynlong mynta ka sngi ha Manikganj ha North garo Hills.
Ha kane ka sngi u myntri rangbah ka jylla u Cornad K Sangma u la ia shim bynta ruh mat ia ki jingbam kiba la shet ha ka bam tynrai jon ka jaidbynriew Rabha, ha kane ka sngi la pynlong ruh ia ki jingshad katkum ka riti dustur jong ka jaidbynriew jong ki.
Ha kane ka sngi la don lang ruh u Deputy Speaker jong ka jylla Meghalaya u Timothy D Shira MLA jong ka Resublepara la ha kane ka sngi bun spah ngut kiba dei ki samla pule jong ka jaidbynriew Rabha kila wan ban ia shim bynta, ia kane la pynpaw u myntri rangbah ka jylla lyngba ka Twitter.
