Umran, Rymphang 05: U Myntri rangbah ka jylla u Conrad K Sangma haba plie ia ka Meghalaya Police Academy ha Umran Niangbyrnai ha ri Bhoi District, u la ong ba ai kane ka jaka ai jinghikai kam nym dei eh tang ia ki pulit hynrei kan long ruh ka jaka ban hikai ia ki rangbah shnong.
U Myntri rangbah u la ong ba ka long kaba don kam ban pynsngewthuh ia ki rangbah shnong, ki nongialam shnong ba kin sngewthuh kumno ka rukom trei kam ba kumno kum ki rangbah shnong kumno ban leh ha kaba ia dei bad ka jingai jingiada iaki kynthei ha ki shnong ki thaw.
U myntri rangbah u la ong ba ka kam pulit kam dei kaba suk, namar hap ban peit ia ka shong suk shong sain bad ha ka juh ka por ki kam pynroi ruh ki dei ban iaid sha khmat. La ong ba kam pulit ha kane ka juk mynta kam dei kaba suk wat la ki leh ia kaba dei ruh kan don beit ka jingshah kynthoh.
U la ong ba ki pulit haba ki don ha madan ba haba ka por ka wan ban hap ban shim ia ka rai ha kato ka por kumno ban leh tang hapdeng ki khyndiat sekon kan long kaba eh shisha namar ka ei kaba phin shim rai ka dei na ka bynta jong ki paidbah, kumta don kam ia ka jinghikai.
U la ong ba ka don ka por ba dang jur ki kam lehnoh, ka jingpynlut por jong ki pulit ka long ban ia khun pyrshah ia ki hynrei mynta la lah ban teh lakam, hynrei mynta kum ka sorkar ka don ar bynta ban peit ia ka shong suk shongsian bad ha ka juh ka por ban peit ba ki kam pynroi ruh kin iaid sha khmat.
U myntri rangbah u la ai ka jingiaroh ia ki pulit jong ka jylla kaba kila lah ban leh bun ki kam, hynrei ha kane ka juk kaba mynta da ka jingdon ia ki kor ki bor kala wanrah ia ka jingkylla kaba khraw, u la ong ba kumba ki kor ki bor ki lah ban wanrah ia ka jingklumar ki don ruh ki kor ki bor kiba lah ban iada ia kata.
Ha kane ka sngi u mytnri kam poh iing u James K Sangma ruh u la ai jingkren ha kane ka jingplie ia kane ka jaka ai jinghikai jong ki pulit, u Bah DD Lapang bad kum juh u Director general jong ki pulit, ha kane ka sngi la don ruh ki heh pulit bad kum juh ki heh sorkar.
