Shillong, Risaw 13: Mynta ka sngi u nongialam barim ka seng United Hynñiewtrep Movement (UHM) bah Daniel Kharshandi bad u Education Secretary u bah Vicky Mawrie mynta ka sngi kila pyniasoh sha ka party TMC ha kaba la pdiang ia kid a u president ka seng u bah Charles Pyngrope ha ka jingiadon lang u Vice President u u bah James Lyngdoh.
Ha ka jingkren u bah Daniel Kharshandi haba kren ha kane ka sngi ha ka jingialang kaba la long ha Nongshiliang Nongthymmai, u la kyntu ia ki paidbah ka jylla ba kin wanrah ia ka jingkylla namar kane ka sorkar kaba mynta kala lap miet tang ban buh Mawnognrim.
La ong ba dei tang ka party TMC kaba la rah ia ki jingeh kane ka jylla Meghalaya sha Delhi ban pynsngew bad ka jingthmu jong ka TMC ka long ban wanrah ia ka jingkylla ha kane ka jylla.
U Vicky Mawrie ha ka jignkren jong u la ong ba ki samla kane ka jylla ki don ia ki sap bapher bapher kaba kongsan ka long don kam ia ka jingbtin lynti, ka jingsah dien ka jylla ka long ba kim don ki lat ban btin lynti ia ki.
Ha ka jingkren u bah Charles Pyngrope President ka TMC la ong ba katne ki snem u la don ha ka sain pyrthei ym pat juh lap ban don ki nongialam jong kum ka Mamata Banerjee ka National President jong ka party namar kala trei na ka bynta ban kyntiew ia ki duk ki rangli.
La ong ba ka jingdon bun ki samla hapoh ka party kan iarap shibun ban wanrah ia ki jingkylla u president ka TMC u khmih lynti ba lyngba ki samla kin wanrah ia ka jingkylla ha ka jylla Meghalaya.
U President ka TMC Meghalaya state Unit u bah Charles la ong ba kane ka sorkar MDA kaba mynta ha ka jaka ba kan weng ia ki jingeh ka bun kam ban wat ia ki buid ki bor kumno ban wanbiang haka bor, ka TMC kala shim ia rai ban trei na ka bynta ban kyntiew ia ka jylla kata ka dei ka thong jong ka party.
