Shillong, Lber 21: U myntri rangbah ka jylla u Dr Mukul Sangma haba jubab ia ka jingkylli jong u Dr Donkupar Roy halor ka jingkumnai pisa ka sorkar ha kine ki lai snem kiba la dep, haba jubab ia kane ka jingkylli u myntri rangbah u la ong ba ka jingkunai pisa na ka bynta u snem 2014-2015 ka long T.5055.08 klur, na ka bynta u snem 2015-2016 , ka long T.2838.09 klur bad na ka bynta jong mynta u snem 2016-2017,yn sa tip da la kut kane ka snem mang tyngka.
Haba jubab ia ki jingkylli bynrap, na ka liang jong u myntri rangbah u la ong ba ka sorkar ha kaba mang ia ka mang tyngka jong man u snem da kaba shu antad ia kaei kaba ka dei ban ioh pisa hapoh jong u snem mang tyngka bad la bhah sha kit and sorkar katkum ka jingantad kaba dei ban ioh na ki skhim jong ka sorkar pdeng bad kum juh na ki skhim jong ka sorkar jylla.
Ka sorkar ka kwah ban kiar na kane ka jingkumnai pisa, hynrei ka long kaei kaei kaba ym lah ban kiar namar ba bara bor ka don beit ka jingduna tyngka bad ha kaba kut jong u snem ka pisa ka duna ym juh ioh ia kaba la mang.
Ban kham sngewthuh ia kane ka jingong ba ka sorkar ka pynphai ia ka pisa ha kaba kut jong u snem ka long ba ka sorkar kam don pisa ban sanction ia ki skhim bad haba ym lah ban sanction na kaei kaba la mang ha ka mang tyngka kane ka long kumba pynphai ia ka pisa.
