Shillong, Iaiong 08: Ka long kaba kham kyrpang ia u bah Robert Kharshiing bam kwai ha dwar u blei kaba yn sa pyndep ia ka jingleh burom kaba khatduh la shai ka sngi, ia u la kha ha ka 7th Kyllalyngkot 1959 bd khlad ruh ha ka juh ka tarik 7th Iaiong 2022, u dei u khun jong u Prof Martin N Majaw, MLA barim bad ka kong Edith M Kharshiing bam kwai ha dwar u blei.
Ha ka jingshakri paidbah u la jop ia ka MLA ilekshon shiteng samoi ha u snem 1990-1993, u la long ruh u MP ba rim jong ka Rajya Sabha 2002-2008, shuwa ban poi sha katei ka kam u la long ruh u nonghikai ha St Anthony’s High School, la hikai ruh shipor ha St.Xavier’s Mumbai.
Dei ha u snem 1981 u la shah jied kum u president ka KSU haduh u snem 1983, kum u rangbah shnong ka Laitumkhrah naduh u snem 1983 haduh 1985 u la long u rangbah shnong ba khynnah tam hapoh Laitumkhrah, u la long u nongai jingmut ia ka seng smala Laitumkhrah bad ia ka seng Long Kmie kiba la ia treilang.
U la ong u MLA ba nyngkong ha u snem 1990 ban pynbna ia ka jingdon jingem, la leit ban ia khun ia ka MLA na Nongkrem da ka jingkhot ki paidbah, u la ong ba u nongai jingmut ia u mytnri rangbah barim ka jylla u SC Marak ban thaw ia ka Meghalaya Economic Development Council(MEDC) ha kaba la ai bun tylli ki jingai jingmut.
Kumjuh ha ryngkat Stanley Nichols Roy, MLA barim bam kwai ha dwar u blei kaba kila ai jingmut ban don ia ka ” Meghalaya Community Relations Council” kum shi bynta ban thaw ka lynti ban wanrah ia ka suk ka sain ha ka jylla.
U la long u MP uba nyngkong uba la bat ia la ka jingkular ban ai bhah ryntih ia ka MP scheme sha ki Dorbar Hima,Elaka bad ha ka jinglong MLA na Laitumkhrah u la ai MLA ai beit ia ka MLA scheme sha ki Dorbar Shnong bad u la ai ruh ha ki ba kin rai iano bad mano ban pyntrei kam ia ka skhim bad u la ai ryntih ia ka MLA scheme ia baroh ki shnong khlem da peit liang.
U la bat ruh ia ka kular ban ai bhah na ka MP scheme sha ki Balang, Seng Bhalang kiba la paw, Ki Skul, ki MLA, MDC jong baroh ki party, bad khamtam ia ki Dorbar shnong, raid bad Hima /Elaka sha nongkyndong namar kim don Municipal ne Urban department.
Ha ka jingiakren hapoh Parliament shaphang ka jingiaumsnam ha Gujarat, ka jingkren jong i Bah Robert Kharshiing ka la ktah ia u Prime Minister Vajpayee haduh ba u jubap da kaba shim ia ki kyntien ai jingmut jong i Bah Robert Kharshiing, MP haduh saw sien ha ka parliament.
Bun ngut ki MP kiba la kham shwa ki la lyngoh ngain bad kiba bun ki MP kiba long Minister ki da ai shithi khublei ia i Bah Robert Kharshiing, kum u MP Rajya Sabha jong ka jylla Meghalaya halor ka jingkren ka jong i kumno ban pyniasuk ia ka jingia umsnam ha Gujarat.
Kum u MP Rajya Sabha I la ioh ban bat ia ki kam Vice-Chairman, All Party Parliamentarians & Proffessionals Forum . Chief Whip NCP Rajya Sabha . Member Joint Parliamentary Committee on the Welfare of Schedule Castes & Scheduled Tribes. Member Parliamentary Consultative Committee on Defence.
Member Parliamentary Standing Committee on Commerce 6. Member Indo-US Parliamentary Forum 7. Member Indo French Parliamentary Group 8. Member Indo German Parliamentary Forum 9. Member- Indo British Parliamentary Forum.
La bat ruh kum u joint Secy World Bank Parlaimentarians Network u la long u MP uba nyngkong eh lehse hadien u Prof GG Swell ha kaba ha parliament bun ki MP ha Rajya Sabha ha Delhi ki da burom haba i ieng ban kren ha ka Dorbar Parliament namar ki kyntien bad ka rukom im jong ki.
U General Shankar Choudhury, MP Rajya Sabha barim uba la long ruh u Chief of Staff jong ka Army mynshwa u da kren iaroh kyrpang ha khmat ka parliament ia u MP Rajya Sabha. la kren tyngeh ha parliament kumno ba ka India ka la dei ban pynlaitluid ia ka pisa tyngka Ri India.
Dang kynmaw sah ia ki kyntien ksiar bad ki jingiohi jngai ha ki jingpynbna paidbah ha ka snem 1999 bad 2000 da i Bah BB Lyngdoh, Chief Minister barim bam kwai ha duwar u blei ha kiba bun ki jaka ha ki thain Pynursla bad Lyngkyrden sha thain war ha ryngkat u Bah Robert Kharshiing ba uban shimti ia ka kam Chief Minister hadien jong u un long u Bah Robert Kharshiing.
Ha ka MLA election 2003 u PA Sangma u la tyrwa ia i bah Robert Kharshiing MP kum u Chief Minister lada ka NCP ka jop ia ka MLA election. Ka dei da ka jingkyrshan ba rad bah jong i Bah Robert Kharshiing, MP ba la lah ban lum ia ka Dorbar Ri kaba nyngkong 14 Jan 2004.
Ha Smit, Hima Khyrim bad kaba ar October 2007 hakhmat ka Law Lyngdoh Hima Mawphlang, kaba la pyniatylli ia ka Ri bad ka jaidbynriew ha ryngkat ka jingiatrei lang ki Nongsynshar. U la ieh sha dien ia ka kumrim jong u ka Nune Grigoryan, kane ka long katkum ka jingiathuh u bah John Kharshiing para.
