Shillong, Jylliew 19: U National President jong ka party National People’s Party (NPP) u Conrad K Sangma u ba dei ruh u myntri rangbah ka jylla, ha ka jingkren jong u ha ka jingialang jong baroh ki party President kaba la khot da u Myntri rangbah duh jong ka Ri mynta ka sngi u Narendra Modi, u la pynsngew ia ka jingiahap jingmut ka jong u halor ka mat jingiakren “ Kawei ka Ri kawei ka Ilekshon ban lait na ka jinglutksan.
Haba pdiang ia kane ka phang, U national president ka NPP u la ong ruh wat la ka long kaba bha hynrei ki don ruh ki jingeh hap ban shim ruh ia ka jingiajingmut jong baroh lang shuwa ban shim ia kano kano ka rai ha kaba ia dei bad kane ka jingthmu.
La ong ba ha kane ka jingiakren na ka liang jong u myntri rangbah duh jong ka Ri, u la sngew ia hap ia kane ka jingai jingmut bad u la ong ba kane ka dei ka jingtyrwa hynrei ban shim ia ka rai hap ban da ia kren bad ia mir jingmut ha ka rukom kaba dei shuwa ban iaid sha khmat ha kaba ia dei bad kane ka kam.
Ha kane ka jingialang na ka liang jong u National President ka NPP u la ong ba kan bha lada lah ban ai nongtrei ia ki MP khnang ba kin lah ban leh kham bha ha ka kam ka jong ki na ka bynta ban peit ia ka roi ka par. U la ong ba dei ban shim nuksa na ka iing dorbor jong ka jylla Meghalaya ha kaba ia dei bad ka jingiashim bynta ha kaba ia kren na ka bynta ka roi ka par.
