New Delhi, Jylliew 29: U myntri ka sorkar pdeng ba dei peit ia ka tnad sam bam sam dih u la ong ba ka sorkar pdeng kan pyntrei kam noh “Kawei ka Ri, kawei ka Rashon Kard” ia kane u la iathuh haba kren ha ki lad pathai khubor mynta ka sngi ha Delhi.
La ong ba ia kane lah ban leh da kaba pyniasoh lang ia u Aadhar kard bad ia ka Point of Sale (POS), kumba ka long mynta ka jylla Andhra Pradesh, Gujarat, Haryana, Jharkhand, Karnataka, Kerala, Maharashtra, Rajasthan, Telangana bad Tripura, kidei ki 10 tylli ki jylla ha ka Ri India kiba la pynmdon kam ia ka POS ha ki dukan rashon.
U myntri ka sorkar pdeng ba dei peit ia ka tnad sam bam sam dih u la ong ba ka jingpyntrei kam ia kane kala iaid sha khmat bad ha ka 30 tarik jong u bnai Jylliew 2020, ki nongshim ia u khaw rashon ki lah ban shim na kano kano ka jaka kaba ki kwah, ha kaba ia dei bad kane kala jingiakren kala iaid sha khmat bad ki Secretary jong ki jylla kiba dei peit ia ka tnad sam bam sam dih.
U Myntri ka sorkar pdeng u Ram Vilas Paswan u la ong ba ka tnad sam bam san dih mynta ka don ia u khaw haduh 612 lak tone ha ki kudam jong ka FCI ban san sa ki 81 jkur ngut ki briew kiba dei ban ioh ia u khaw.
La ong ruh ba ka jingpyntrei kam ia ka Depot Online System (DOS) ha baroh ki 563 tylli ki ware house kiba don ha ka Ri bad 144 tylli ki depor ha ka Ri. Kaba don kam mynta ka long ban pyniaid ryntih ia ki jingpyntip lyngba kane ka rukom trei kam ha kaba u la peit hi da lade ryngkat ka jingiatrei lang ki ophisar ka tnad sam ba jong ka sorkar pdeng.
