Shillong, Nailur 05: U Director ka tnad ka koit ka khiah u Dr A War u la iathuh ba kaba bun eh ba la test COVID-19 positive ka dei mynta ka sngi ha kaba baroh ki long 182 ngut bad tang ha Civil Hospital Shillong ki long 15 ngut.
Na ka liang jong u Director u la iathuh ba ha East Khasi Hills 121 ngut, na kine 5 ngut kid ei na ki kynhun shipai bad 116 ngut dei ki riew paidbah, na pdeng kine ki riew paidbah 97 ngut dei ba ki don ka jingiajan bad kiba la shitom.
Ki 15 ngut kiba na Civil Hospital Shillong ki long 7 ngut ki dei ki nurse bad 8 ngut ki dei kiba trei hapoh Hospital, katba ha Ganesh Das Hospital Shillong la test COVID-19 Positive u wei u doktor bad kawei ka nurse.
Ha kiwei ki District kiba la test COVID-19 Positive mynta ka sngi ki long ha Ri Bhoi 31, North Garo Hills 2, East Garo Hills 15 ngut na kine 14 dei kiba shong dukanha Iew Rongjeng, West Khasi Hills 1, West Garo Hills 12.
Kiba shitom ha ka jylla baroh mynta ki long 1374 ngut, East Khasi Hills 915, West Khasi Hills 31, South West Khasi Hills 1, Ri Bhoi 120 West Jaintia Hills 8, East Jaintia Hills 25, West Garo Hills 144, South West garo Hills 3, South Garo hills 22, East Garo Hills 97 bad North Garo Hills 8.
Kiba la jem haduh mynta ki long 1527 ngut, kiba la koit tang mynta ka sngi ki long 59 ngut, ha East Khasi Hill 48 ngut, Garo Hills 1, Ri Bhoi 2, West Garo Hills 8 ngut. Kiba la test haduh mynta ka sngi ki long 97,550 ngut kiba long Negative 94418 ngut bad ki resolt kiba dang ap ki long 216. Kiba la wan phai sha ka jylla ki long 33424 ngut.
