Kdew kti kaKSU SWKHD ba ki nong Bangladesh ki bylla tih dewiong ha ki thain Borosra-Nongjri

Shillong, Lber 17: Ka KSU South West Khasi Hills District ka la thaw iakawei ka tnad hapoh ka seng ia kaba la tip kum ka ” Anti -Influx Cell” kum shibynta ban shim da ki sienjam ba kham tyngeh halor ka mat jongka jingrung kyrthlep ki mynder khamtam lyngba ka jingwan bylla dewiong, wan bylla tei jingtei p bad haka khaii pateng beain.

Na ka liang jongka Seng, kala shim iaka rai ban ai por 15 sngi ia baroh ki contractors bad Ki nongkhaii dewiong ban pynbiang Work Permit iaki nongtrei bar jylla khamtam haki thain Nongjri, Borsora, Rajaju, Nongkulang bad baroh ki jaka ba don dewiong hapoh South West Khasi Hills District. Ym tang katta, ka seng kan nymailad ruh ia uno uno u bym dei u trai jylla  ban wan khaii pateng khlem Da don ki kot ki sla kiba Biang kum Ka Trading License bad kiwei kiwei nangne shakhmat.

Halor kitei ki mar, ka Seng ka la buh daka tnad ba kyrpang ban kyndang ia baroh ki jaka ba don dewiong , jaka ba Trei jingtrei , ki iew ki hat bad kiwei kiwei lada kim lah ban pynbiang ban register iaki nongtrei jongki katba kum ka Work Permit Scheme bad lada kim biang iaka Trading License bad Ki kot ki sla ba donkam haka khaii ka pateng hapoh ka por kaba la buh,Kane ka Cell jong ka Seng.

Ka Seng ka buh ruh ka jingmaham ia baroh ki trai dewiong , ki contractors ne kino kino kiba mut ban iada iaki bar jylla namar ka seng ka tip shai ba kiba bun kiba wan bylla khamtam ki jing bylla dewiong haki thain Nongjri, Rajaju, Diengan, Nongumsur, Saw kilo, Porkut, Nongkulang bad kiwei khambun ki dei ki Nepali, ki khar Bangladesh bad Ki briew kiba ngim lah ban tip na ei ki wan.

Ka daw ba ki la shim da kane ka rai ba tyngeh Ka long hadien ba ki la ju lap iaka jingkdup bar jylla jong ki contractors bad Ki tra dewiong khlem da khein shuh iaka iap ka im jong ka Jaitbynriew khamtam ha ki jaka khappud bad ka Bangladesh. Ka seng ka maham ruh pyrshah ia kito kiba ju mlien ban leh Benami da kaba ailad ia ki bar jylla ban shu wan kjit suk iaka spah ka phew jongka Jaitbynriew.

Ka Seng ka kyntu ruh iaki paitbah jongka South West Khasi Hills District ban long kiba la pynkhreh lada ki hap ban shim iaki rai ba khamjur halor kane ka mat nangne shakhmat. Ha kawei pat Ka liang,, na ka liang ka Seng namar ka jingsator jong ki jingkieng iaid Kali naduh Ranikor haduh Umpung terter kin sa ia pyrkhat halor ka jingkit palat pud jongki truck kit dewiong bad lada  donkam kim banse wat ban shim daki sien jam ban talasi na ka bynta ban check hi iaki truck ba kit tam iaka 9 ton.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet