Shillong, Rymphang 10: Ka jingiatrei lang ki BSF bad ki pulit jong ka jylla Meghalaya ban peit ba kane ka elelction kan long kaba iaid beit iaid ryntih kila pynlong ia ka jingkhynra ia ki kali kiba iaid ba iieng ha ki surok ha West Garo Hills District.
Ha kane ka jingkhynra ki shipai BSF kila ioh ban bat ia kawei ka kali Bolero ha ka jingiadon lang ki pulit jong kajylla Meghalaya bad ha kane ka jingkhynra kila ioh ban kurup 18,800 tylli ki kuli Yaba na Tikrikilla kaba hap hapoh jong ka West Garo Hills Dsitrict.
Kane ka kali Bolero ka dang mut ban leit sha shnong Rangsai bad ki pulit kila ioh ban kem ruh ar ngut ki briew na kane ka kali bad kine ki wan na Goalpara District ka jylla Assam , ki BSF kila ai jingkhien ba ki kuli Yaba kiba la ioh kem kila kot haduh T.3.10 klur tyngka.
