Maligaon, Jymmang 21: Ka kynhun “Quick Response Team” kaba dei ka kynhun pulit jong ka Railway Protection Force ha Guwahati kila ioh ban kem ar ngut ki briew kiba la suba jur ba ki dei ki nongkhaii briew na Guwahati railway station ha 17 tarik mynta u bnai.
Kane ka kynhun pulit ha ka jingtohkit ia kine ki ar ngut kiba la shah kem kiba la tip kyrteng kum ka Anima Ekka 29 snem na Sivsagar District Assam bad u Thaider Ekka, 25 snem bad na ka kti jong ki la ioh ban pynlait ia lai ngut ki khynnah.
Katkum ka jingiathuh jong ka kynhun QRT ba kin ear ngut kiba la shah kem kila phla ba ki mut ban phah ia kine ki khynnah kynthei sha Nongbah Delhi bad kila phla ba ki ioh ia ka jingsiew T.5000/- tyngka na kawei ka khynnah.
Na ka liang jong ki pulit ka Guwahati kila register ia kane ka mukotduma pyrshah ia kine ki nongkhaii briew ha ki kyndon 370/371/372/34 IPC ha ka 17.05.2019 bad ka mukotduma number ka dei 81/19. Na ka liang jong ka kynhun Railway Protection Force kila ong ba ha u snem 2018 kila ioh ban kem haduh 20 ngut ki nongkhaii briew.
