Shillong, Naitung 16: Ha ka miet sngi saitjain kumba ha ka por 9:30 mynmiet ka seng samla Mawlai Datbaki ka la ioh ban bad ia ki saw ngut ki samla kiba thied bad die ia u drugs kita ki long ar ngut ki dkhar bad ar ngut ki khasi u Manon sing 26 snem karta ba na them mator, u sain sing 18 snem karta ba na municipal, u Marvin son jyrwa 23 snem ba na mawlai nongpathaw bad u Jason marbaniang 18 snem na mawlai mawroh. Ia kine baroh saw ngut la ioh bad na ki than Mali katba u marvinson bad u Jason ki dang ia die ia u druck ha kitei ki bar jylla kiba la wan da ka scooty ba don ia u registration no ML05-M-0390 .
Ha katei ka ka por katba ki dang ia die la lap kynsan ki samla ka seng bad mar kumta hi kine ki saw ngut ki la phet bad ki la bret ia ka tin golden ba don u drugs lem bad ki injeksion ha phyllaw iing jong ka kong Icybon kharbuli . Bad ynda ki la phet na ka liang ki samla ki la beh bad ioh bad ia kitei ki saw ngut ha kaba la Ialam ia ki sha iing shnong na ka bynta ka jingtohkit ha ryngkat ka jingia don lang ki rangbah jong ka shnong , u rangbah shnong ki seng longkmie lem bad ki pulit .
Ha kane ka jingtohkit na ka liang ki bar jylla ki la phla ba ki la wan ban thied ia utei u druck na ka kti jong u Marvinson jyrwa bad ruh na ka met jong kitei ki saw ngut la ioh ban kurup ia ka pisa haduh T.26013 /-hynrei ia u drugs khlem ioh shuh la ioh tang ki tin golden namar ki la Bret noh ha phyllaw jong ka kong Icybon.
Shuh na ka liang ki Pulit ki la ong ba ia u Marvinson la kem teng mynshwa ha kane ka juh ka case. Bad kumjuh ruh ki Pulit ynda ki la dep leh ia ka kam jong ki ki la rah noh ia kine saw ngut sha thanad na ka bynta ka jingtohkit kaba bniah.
