Shillong, Iaiong 20: Ka Khasi Students’ Union Nongmynsong Unit Circle mynta ka sngi ka la ioh ban kem saw ki khynnah samla kiba thmu ban khaii droks hapoh shnong Nongmensong. La ioh ban kurup kumba 0.9 gram u drok na kine ki samla kiba kynthup ia u Shankar Chettri, Albert Diengdoh, Anwar Kurbah bad u Wadjingshai Jarain.
Ia kine baroh saw ngut la aiti noh mynta ka nohphai sngi hi sha ki pulit jong ka Anti Narcotics Task Force khnang ba kin pynshitom kat kum ka aiñ. Ka seng ka maham tyngeh ba kan ym ailad ia ki briew ki ba khaïi bad dih ia u drok bad nangne shakhmat kan iai trei shitom ban kem ia kum kine ki jait briew.
