Shillong, Kyllalyngkot 30: Ki shipai BSF kila ioh ban kem ia u Tafujul Hussain 23 snem na ka shnong Karaigora kaba hap hapoh jong ka South West Khasi Hills District. La kem ia u da ki shipai ha dien ba kila iphylla ia ka iaid ka ieng ka jong u.
Ha ka jingtohkit jong ki BSF u la ong ba la wan sha ka shnong Kaehirgati bad u trei kum u nonghikai hapoh jong ka Pagal Madrassa ha South Sunamganj bad u la ong ba u la wan sha Momin bazaar bad u la ong ba u la wan sha India ha ka sien kaba nyngkong.
Na ka liang jong ki shipai BSF ki don ka jingsuba jur ba don ei ei sha lyndet kane ka jingwan ka jong u sha India, na ka liang jong ki BSF kila aiti sha ki pulit na ka bynta ban pynlong ia ka jingtohkit. Na ka liang jong ki BSF kila pynkhlain ia ka jingpahara ha khappud.
Na ka liang jong ki BSF kila pyntip sha ki BGB na ka bynta ban ia treilang na ka bynta ban iada ia u pud u sam, namar kane ka jingwan rung ki briew ka long ba ka don ka jingsuba kaba jur ioh ki don ka jingthmu kaba sniew ha ka jingmut jingpyrkhat jong ki.
