Shillong, Jymmang 01: Ki Shipai BSF kiba don ha Dawki kila ioh jingtip ba ka don kawei ka kali Swift Dezire bearing kaba don ia u number ML-05-P-0459 kaba iaid sharum shaneng bad kala pynshan khmat ia ki briew.
Na ka liang jong ki BSF kila khang kdong ia kane ka kali bad kila talasi bad ki la lap na kane ka kali 11 tylli ki song Yaba Tablets bad ha kine ki 11 tylli ki song ki don haduh 2190 tylli. Ia kane ka kali la kem ha jan khappud bad ka Bangladesh na Dawki.
Ki BSF kila kem ia une u nongniah kane ka kali bad haba la tohkit u la phla ba u dei u S K Tluanga, 35 snem shong sah ha Madanryting shilling. Na ka liang jong ki BSF kila ong ba ia ne u kynja jingdih pynbuaid ka khang ban dei ha Bangladesh.
