Shillong, Naiwieng 26: Mynta ka sngi ha ka por 2.10 Baje dang step phyrngap ki briew kiba sah ha jan jong ka dukan shna ksiar ka Shyam Jewelleries kaba don ha Police Bazar ia ka jingdon jong ki briew hapoh ka dukan.
Haba iohi ia kane ka jingiphylla kila pyntip sha ki pulit jong ka Sardar Police Station bad mar iaioh ia kane ka jingtip ki pulit kila ker kut ia kane ka dukan bad khot ia u trai jong kane ka dukan ban wan plie.
Haba la wan u trai jong ka dukan bad haba la plie la lap ba baroh ki jingdeng kiba don ha dukan kin don shuh, haba la wad la lap ba lain gut ki briew kiba la prong hapoh kane ka dukan lyngba ka jingkhang iieit ki rih hapoh painkhan.
Na ka liang jong ki pulit kila kem ia ki bad haba la tohkit kila phla ba ki dei na ka shnong Sahebganj, jong ka jylla Jharkhand. Ki pulit kila kem ia ki bad mynta ka sngi la rah ia ki sha iing bishar bad ka iing bishar kala ai san ngut ia ka Police Custody ban tohkit ia ki. Ka kyrteng jong kine ki lain gut kiba la shah kem ki long u Md Rafik Sheikh, u Badus Sheikh bad u Bisan Mondal.
Naka liang jong ki pulit mynta ki don ka jingsuba ba kine ki juh ki briew ki lah ban dei ha kaba ia dei bad ka jinglute ia ka dukan Mobile kaba don ha Police Bazar ha ki bnai kiba la dep, kum juh ha Jowai, Guwahati. Kine ki briew kila phla ba kila wan sha Shillong ar sngi bad kila jurip bniah ia kane ka dukan bad ha Shillong ki sah ha kawei ka Hotel kaba don ha Police Bazar.
Na ka liang jong ki pulit ki kyntu ia ki paidbah ba kin sngewbha pyntip sha ki pulit lada iohi ia ka jingiaid ha ka rukom kaba isuba ia ki briew. Kane ka jingioh ban kem ia kine ki briew ka dei na ka jingiarap lem jong ki paidbah ban pyntip sha ki pulit.
