Shillong, Rymphang 05: Mynta ka sngi ka khynhun pulit kaba la tip kum ka Anti Narcotics Task Force (ANTF), East Khasi Hills ha dien ba la ioh ia ka jingtip kaba bniah kila bat ia ar ngut ki briew u bah Mebanson Shylla 34 snem na langkyrding bah Franky Wahlang na Golflink, Shillong.
Da ka jingialam lynti jong kine ki ar ngut ki pulit kila ioh ban bat ia u Zangkhol, A.L, 58 snem bad ia u Vicky Kipgen, 20 snem kine baroh ar ngut la kem na Madanriting. Ha ka por ba ki pulit kila khynra kila ioh ban kurup 4.29 gram u drugs na kine ki briew.
Ha ka jingtohkit jong ki pulit la shem ba ia kine ki jingdih ba sniew la wanlam da u Vicky Kipgen na ka jylla Manipur. Na ka liang jong ki pulit kila shim ba dei une u briew ba wanrah ia kine ki jingdih.
