Kem ki pulit 6 ngut ki snar nongkhaii drok kurup 676 gram u herion shongdor shiklur tyngka

Shillong, Jylliew 30: U Dr. R L Bishnoi  IPS Director General ki pulit jong ka jylla Meghalaya, la iathuh ba ki pulit jong ka East Jaintia Hills bad East Khasi Hills da ka jingiatrei lang kila ioh ban kem ar ngut ki snar nongkhaii dork bad na kine la ioh ban kurup 676 gram u heroin ba shongdor shiklur tyngka.

Haba kren ha ki lat pathai khubor u DGP la ong ba la ioh jintip ba ki don ar ngut ki briew kiba wan na Silchar da ki Bus bad ki rah shibun u Drok, halor kane ka jingtip ki pulit jong ka East Jaintia Hills bad ki pulit jong ka East Khasi Hills kila pynlong ia ka jingpynap ktem bad la pynsangeh kat ia ki bus kiba wan na Silchar.

Ia kine ki ar ngut ki briew la ioh kam bat ha ka 4.30 baje mynstep mynta ka sngi ha kaba la ioh ban kurup 676 gram u drok heroin bad ha ka dor iew kala kot sha ka shiklur tyngka, haba la ioh kem ia ki ar ngut la pynlong ia ka jingtohkit bad la ioh ban kem sa 4 ngut baroh ki long 6 ngut bad kine ki dei na sor Shillong.

Na ka liang jong ki pulit kila thaw ia ka kynhun kaba kyrpang ban ia khun pyrshah ia kine ki kam sniew, da ka jingioh kem ia kine kyrmen ban ioh kem ia ki nongkhaii ba rat bah ha kane kam khaii drok, la ong ba ka Shillong kam dei shuh tang ka jaka iaid lynti hynrei ka dei ruh ka ktem jong ki nongdih drok.

Haba jubab ia ki jingkylli na ka liang jong u DGP la kubur ba ka don shisha kata ka jingeh ia ki nongai sakhi na ka liang jong ki riew paidbah ha kaba ki hap ban wan hajir man ka por sha iing bishar bad kane ka buh jingeh, na ka liang ki pulit mynta ki pyrkhat kumno ban ai bai leit bai wan ia kito kiba sakhi ha ka por ba ioh kem drok.

La iathuh ka sorkar pdeng kala pynkylla ia ka NDPS Act ha kaba ia kito ki nongkhaii kiba la juh mlien ia kane ka kam katkum ki kyndon kaba san ka long ba ka sokar ka lah ban shim ia ka iing ka sem jong u nongkhaii drok, kata ka long tang lada  u ne ka don ha ka kyrteng jong ki.

Na ka liang jong u DGP ha kane la sngi la pynkup burom ia ki 36 ngut ki pulit kiba la trei shitom ha kaba la ioh ba ne kem ia kitei ki briew kiba khaii drok, ha ka juh ka por la kyntu ia ki paidbah ba kin pyntip sha ki pulit lada don kano kano ka jingtip ha kaba ia dei bad ki nongkhaii drok la da tip.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet