Shillong, Jymmang 21: Ka kynhun pulit kaba kyrpang jong ka East Khasi Hills District kaba dei beit ban thewt ia ki nongkhaii drugs ha ka sngi nyngkong kila ioh ban kem ia ka arngut ki briew kiba la suba ba ki dei ki nongkhaii drugs.
Ha kane ka jingkem ia kine ki nongkhaii drugs ki pulit kila ioh ban kurup haduh 6,745 tylli ki kuli, ia kaba la tip kyrteng kum ki “World is Yours”. Na ka liang jong ki pulit kila pynlong ia ka jingtohkit ban lap ia kane ka kynhun nongkhaii kaba thymmai.
Kane ka kynhun pulit jong ka East Khasi Hills District kaba la shna kyrpang ban ia khun pyrshah ia ki kam khaii drugs kila pyntip ba ki paidbah ki lah ban pyntip sha ki pulit lada ki don ka jingtip ha kaba ia dei bad ki nongkhaii drugs ha kine ki number , 6009367750 bad 9485178401.
Na ka liang jong ki pulit kila ong ban ia khun pyrshah ia kane ka jingsniew don kam ia ka jingiatrei lang jong ki paidbah.
