Shillong, Jymmang 01: Ha ka miet sngi nyngkong ki pulit jong ka Shallang Police Station kila ioh jingtip ba kila don ki nonglute trok ha surok bah NH-44 E ha ka shnong Mawkhap. Mar ia ioh ia kane ka jingtip ki pulit kila beh bak bak sha kane ka bad pynlong ia ka jingkhynra ia kane ka thain.
Katkum ka jingtip kaba la ioh da ki pulit la ong ba u nongniah ia ka trok kit dewiong ba la shah lute ha ki nonglute u dei u Rahul Boroo. Ha kane ka jingkhynra ki pulit kila ioh ban kem ia ar ngut ki briew ia kiba la tip kyrteng kum u Robert R Marak 33 snem bad u Lurshai Rongrin 25 snem.
Na kine ki ar ngut ki pulit kila ioh ban kurup kawei ka mobile phone na u Rahul bad ki pulit mynta ki dang pynlong ia ka jingtohkit ha kaba ia dei bad kane ka jingshah lute jong ki trok kit dewiong ha katei ka surok bah. Kine ki trok kit dewiong ki kit na Shallang sha Golpara Assam.
