Shillong, Risaw 26: Mynta ka sngi ki pulit jong ka nongbah Shillong kila ioh ban kem ar ngut ki nongkhaii drok na kawei na ki hotel ba don ha GS Road ha Ploice Bazar na kitei ki ar ngut la ioh ban kurup haduh 250.64 gram u Heroin.
Ki pulit kila iathuh ba kine ki ar ngut kiba la shah kem ki long u wei na Badarpur Karimganj 26 snem ka rta bad u wei pat na Katigorah, Silchar 31 snem baroh ar ngut ki dei na Cachar jong ka jylla Assam.
Na kitei ki briew kiba la wan na Assam ki pulit kila ioh ban kurup 20 tylli ki synduk buh sabon bad u Heroin baroh haba la thew la kot sha ka 250.64 gram, ar tylli ki mobile, kawei ka Laptop, ar tylli EPIC kard, ar tylli ki pan kard, ia kine baroh ar ngut la register ia ka ejahar ha Sardar Police Station.
