Shillong, Nailar 04: Ban ia khun pyrshah ia ki riew sniew kiba juh mlien ban tuh ia ki tiar na ki iing briew hapoh ka jingialam jong ka kong Joyti Wahlang MPS. Bah P. Syiem SI ba dei na Nongthymmai bad ki pulit ka Rynjah kila pynlong ia ka jingap ktem ha Nongthymmai ha kaba kila ioh ban bat ia u Wanstep Lyngdoh 27 snem bad ia u Banroplang Jyrwa 24 snem.
Kine ki ar ngut kiba la shah bat ha ki pulit ha ka 2/8/2022, kila kubur ba kila don kti ha kaba tuh ia ki tiar na Rynjah bad ia ki tiar kiba la tuh kila die ia ki ha u wei u briew ba don ha Iew Mawlong halor kane ki ulit kila pynlong ia ka jingtohkit ban lap ia u nongthied ia ki tiar kiba la die.
Ha kane ka jingtohkit ha ka 3/8/2022 da ka jingiarap ki pulit kiba don ha Cantonment kila ioh ban bat ia u Abdul Motalif 21 snem bad na u la ioh ban kurup biang kawei ka Asus laptop, 2 tylli ki HP laptops, 1 Dell laptop, 1 Canon Power shot SX430 IS, 1 Canon camera IXUS, 1 VIVO mobile phone.
