Shillong, Risaw 23: Ki pulit jong ka Byrnihat kila kem ia u Jiten Nath 43 snem u ba la shah kynnoh ba u la pom da ka wait bnoh ia u Leson Teron ha jaka ot dieng ha 22-Miles ha Byrnihat ha Ri Bhoi District.
Na ka liang jong ki pulit kila shimti ia ka met iap bad pyndep ia ka jingdon kam kat kum ka ain bad ia ka met iap la kit sha Nongpoh Civil Hospital ban leh ia kaba don kam. Na ka liang jong ki pulit ruh kila kem ia u ba la shah kynnoh ba u la leh ia kane ka kam pyniap briew.
Na ka liang jong ki pulit ki dang pynlong ia ka jingthoh kit ban lap ia ka daw jong kane ka jingjia haduh ban da poi u pud ban ia pyniap da kaba ia pom da ka wait.
