Shillong, Rymphang 17: Ki pulit kila kam ba kila ioh ba kem ia ar ngut ki briew kiba la tip kyrteng kum u Banshanlang marbah 26 snem bad u Henry Kharjahrin halor ka jingshah thang jong ar tylli ki kali ha ka 12 tarik mynta u bnai ha ka sngi ba ka COMSO ka sdang ban pyntrei kam hinoh ia ka Inner Line Permit ha ka jylla Meghalaya.
Ki ar tylli ki kali kiba la shah thang ki long kawei ka dei ka Gypsy kaba don ia u number ML0-1-5716 kaba la shah thang ha Langkyrding bad kawei ka kali Bolero Pick Up kaba don ia number AS-18/C-8797 kaba la shah thang Laitlum ha Mawlai Mawtawar.
Ha ka jingtohkit jong ki pulit la ioh ban kem ia kine ki ar ngut ba ki suba ba kila ia don kti ha kane ka kam runar ka dei na ka ka jingiathuh jong kiba iohi bad lyngba ki dur kiba la ioh na ka CCTV ha kaba kine ki nongleh kam sniew kila pyndon kam da ka bike kaba don ia u number ML-05-K-9946 halor kane la kem ia kine ki ar ngut.
Ha ka kyrowh kaba la phah da ki pulit mynta ka sngi kila kam ba kine ki ar ngut ki dei ki dkhot jong ka seng HYC na Nongthymmai bad kila phla ha khmat jong ki pulit ba kila don kti ha katei ka kam thang kali. Na ka liang jong ki pulit kin dang tohkit shuh shuh ba ki kyrmen skhem ba kin dang ioh kem shuh ia kiba don kti.
Ki pulit ki ong ba ka HYC ka dei kawei na ki dkhot jong ka COMSO kaba kam ba ki kwah ban ia khih da kaba jai jai ha kaba ia dei bad ka jingdawa ban pyntrei kam ia ka ILP ha kane ka jylla. Na ka liang jong ki pulit ki sngewlyngoh ba u wei na kiba shah kem u dei u ba ha iing jong u lamphang ka COMSO u Robert Kharjahrin ha kajuh ka por ba dei u president ka HYC.
Ka jingthang kali kala wanrah ia ka jingsngew syier ha ki paidbah, kumta la bethah ia ki nongialam ba kin ong ia ki dkhot jong ki ba kin kiar na kine ki kam leh beain namar ka ain kan sa leh ia kaba don kam na ka bynta kito kiba don kti.
