Shillong, Iaiong 25: Ki pulit kila kem ia ka kong Ibamaian Nongbri 22 snem bad ia u Bah Banlamphrang Langstih 24 snem halor ka jingshah kynnoh ba kila bret ia u khunlung ba dang shukha ha ka shnong Nongrim Sawdew ha kine ki khyndait sngi.
Katkum ka jingiathuh jong ki pulit la ong ba ha ka 19 tarik mynta u bnai kila ioh ia ka jingujor ba la lap ia I khunlung ba dang shukha ha Shong Nongrim-Sawdew kaba don sha ki thain upper Shillong. Halor jong kane ka jingjia ki pulit kila wad ia kiba leh ia kane ka kam sniew ban bret khun.
Ha kane ka jingwad jong ki pulit ha ka sngi 23 tarik mynta u bnai kila ioh jingtip ba kiba leh ia kane ka kam ki dei na katei ka shnong bad ha ka jingwad sabut ki pulit kila rah ia u Bah Banlangphrang ban tohkit bad ha ka 24 tarik kila rah sa ia ka kong Ibamaian ban tohkit halor katei ka jingbret ia I khunlung.
Ha dien kane ka jingtohkit na ka liang jong ki pulit kila kem ia kine ki ar ngut ia kaba kila suba jur ba dei kine ki shijur kiba la leh ia kane ka kam sang kam ma ban bret ia I khunlung. Na ka liang jong ki pulit ki dang beteng ia kane ka jingtoh kit ban pynshisha la ki dei ne em kine ki shijur ba leh ia kane ka kam.
