Shillong, Naitung 06: Ki pulit jong ka Laitumkhrah kila ioh ia ka jingujor ba ha ka 15 tarik jong u Jylliew kala don ka jingshah tuh jong ka Iing Basa kaba don ha Up Land Road ha Laitumkhrah bad kane kala jia ha ka por 12.00 Pm.
Ki tiar kiba la shah tuh ki long Ar tylli ki HP Laptops , kawei ka Micromax Mobile, kawei ka Tablet, Ar tylli ki Laptop chargers bad u wei u mobile charger, shi jur ki jain phong, ki juti bad kawei ka pla thep jain bad ki pulit kila register ia kane ka jingujor.
Haba ia dei bad kane ki pulit jong ka East Khasi Hills District ha ka lai tarik mynta u bnai ha ka por phra baje mynniet kila ioh ban bat ia u Bah Audrick Nelson Nongrum 19 snem na Madanriting Block-F jong ka Madanriting. Da kane ka jingioh bat ia u la ioh ban kurup ia u artylli ki Laptops, ka Lenovo bad kawei ka HP, kawei ka pla Puma , ka computer speaker na iing jong une u ba la shah kynnoh bad kine ki tiar kidei kiba la ia dei bad ka Madanriting police station.
Shuh shuh la ioh ban kurup ar tylli ki HP Laptops bad ki charger, kawei ka Safari trolley bag, kawei ka Micromax mobile, kawei ka Phillips Trimmer rong iong bad u charger, kawei ka patlun iong, sopti balieh bad ki judi Addidas kine ki tiar ki dei kiba la shah tuh na Laitumkhrah ki pulit kila kurup ia kitei ki tiar baroh. Ki pulit ki subajur ba une u briew u dei u ba dih drugs bad ki pulit kila kem ia u tei u rangbah.
