Shillong, Jylliew 19: Ki pulit mynta ka sngi kila kem ia u wei u briew u ba la tip kyrteng kum u bah Donlad Shylla ha kaba la kynnoh ba dei ma u bala kynthoh khlem aokor ia ka Deputy Commissioner jong ka East Khasi Hills District ha kine ki sngi ha ki Social Medai.
U Superintendent ki Pulit jong ka Shillong City u bah Vivek Syiem haba kren ha u SP News Agency u la ong ba ka dei jingshisha bad ki pulit kila kem ia u tei u briew halor ka jingshah kynnoh ba u la kynthoh ia ka DC jong ka East Khasi Hills District.
La iathuh ba na ka liang jong ki pulit kila register mukotduma pyrshah ia utei u briew u ba la kynthoh pyrshah bad ka jingthohkit pyrshah ka dang iaid, la pynthikna ba ki pulit kila kem ia une u briew u ba la kynthoh khlem akor.
