Shillong, Jymmang 30: Ki pulit jong ka Lumdiengjri Police Station mynta ka sngi kila kem ia u Bah Iasyllock L Mawphlang halor ka jingkynnoh ba u la byrngem ia u Dalsrang Arengh u pulit ba pyniaid kali jong ka Lumdiengjri Traffic Branch.
Katkum ka jingujor jong u tei u pulit la ong ba mynta ka sngi ha ka por 8.30 baje mynstep u la ai dak ban pynsangeh ia kane ka kali Ford Figo kaba don ia u number ML-05Q-8412 ha District Council point, Shillong.
Hynrei u nongniah jong kane kali u la iaid khlem kohnguh ia ka jingai dak jong u pulit ba pyniaid kali ha katei ka por, ha dien ba la ioh ban bat ia kane ka kali na ka liang jong u nongniah ia kane ka kali u la byrngem kylla ia u pulit bad ia u ne u nongniah ia kane ka kali la ithuh kum u Bah Iasyllock L Mawphlang bad ki pulit kila kem ia u.
