Shillong, Nailur 22: Ki pulit jong ka Lumdiengjri mynta ka sngi ha ka por 10 baje mynstep kila leit ban kem ia u bah Maikhel Pakyntein na iing sah jong u ha Lower Mawprem halor ka jingshah kynnoh ba u la kawang petrol bomb ia ka iing jong u Bah Paul Lyngdih ha kine ki sngi.
Ki pulit kila iathuh ba u Bah Paul u la ai FIR hapoh kane ka police station ha kaba ia dei bad ka jingshah kawang petrol bomb ha kine ki khyndait sngi bad ha dien jong kata u la ai shuh sa kawei ka FIR bad halor kine ki ar tylli ki FIR ba la ai da u MLA jong ka SHillong West ki pulit kila kem ia u Bah Maikhel mynta ka sngi.
Na ka liang jong ki pulit kila kham pynkhlain ia ka jingai pahara hapoh Mawprem baroh kawei ha dien ka jingshah kawang petrol bomb ka iing jongu MLA ka Shillong West bad ka jingshah pynjop ka CCTV jong u kyrtong ka seng Congress u ban ia khun ia ka MLA ha u snem 2018.
