Shillong, Jymmang 15: Ki pulit jong ka Jowai kila ioh ia ka jingujor ba u wei u khynnah shynrang ba dang 12 snem ka rta u la shah rahbor bad shah leh beijot ha u wei u briew ha ka sngi sngi nyngkong. Haba ia dei bad kane ki pulit kila register ia ka ejahar Jowai PS Case No. 107(5)2018 u/s 23 JJ Act r/w Sec 3(a)/4 POCSO Act.
Ha ka jingtohkit ki pulit kila kem ia u Sanki Ksoo ha katei ka juh ka sngi bad mynta u tei u briew u dang don ha kti jong ki pulit na ka bynta ban tohkit. Na ka daw jong ka kiew rasong ki kam leh beijot ki pulit kila buh ia ka jaka iarap hapoh Jowai Police Station ba kin paidbah ki dei ban pyntip mar mar ha ba ki don ki jingjia.
Na ka liang jong ki pulit kila ong ba lada don kano kano ka jingshah leh beijot, ki paidbah ki lah ban phone ha kine ki number kiba la buh hapoh Jowai Police Station, “ Police Control Room Jowai” No. 03652-220782 bad 9774065467 kaba don ruh ia ka Whatsapp na ka bynta ban kloi ban thwet ia ki nongleh kam sniew.