Shillong, Nailur 14: Ki pulit jong ka jylla mynta ka sngi ha ka por 3.10 baje miet kila kem ia u Banjopthiaw Lyngdoh Marshilong na ka daw ba u la bynthiew ia ka kali jong u myntri rangbah ka jylla u Dr Mukul Sangma ha Qualapaty.
Kane ka jingbynthiew ia ka kali jong u myntri rangbah da u tei u briew kumba la kynnoh ka long ha ka por ba u myntri rangbah u dang don hapdeng jong ka programme ban plie ia ka iing thymmai jong ka Sein Jaintia ha katei ka jaka. Ki pulit kila kem ia u bad rah na ka bynta ban tohkit kham bniah ha kaba ia dei bad kane ka jingleh ka jong u.
