Shillong, Nailar 10: Ki pulit jong ka nongbah Shillong mynta ka sngi kila kem ia u nongniah bad u nongbut jong ka bus Shillong Public Transport Service kaba don ia u number ML-01-7371 na Golflink ha ka por 10 baje tam mynstep mynta ka sngi.
Ka jingkem ia kine ki ar ngut ka long halor ka jingkynnoh ba ki la shoh ia u rangbah shnong ka Laitumkhrah u Bah Gardon S Bruce. Kine kiba la shah kem la tip kyrteng kum u Michael Pyngrope 32 snem bad u Kenny Paul Hynniewta 26 snem. Ki pulit kila pynlong ia ka jingtohkit halor kane ka jingjia.
