Jowai, Nailur 29: Ki pulit jong ka Dawki police station hapoh jong ka West Jiantia Hills District kila kem ia u Bah Pal Pohlynjar halor ka jingkynnoh ba u don kti ha kaba pyniap ia u Bah Shdeng Pohrmen n aka shnong Nongtalang.
Katkum ka khubor pulit la ong ba u Bah Pohrmen u la jah ha ka 22 tarik mynta u bnai bad ia ka met jong u la lap ha ka 26 tarik mynta u bnai m ha dien ba la dep ban leh ia ka postmortem ia ka case la register hapoh jong ka Dawki police station.
Na ka liang jong ki pulit ki kyrmen ba da ka jingioh kem ia une u wei u runar kin ioh ban kem ia kiwei ruh kiba ia don kti ha kane ka kam pyniap briew.
