Kem ki pulit ia u Sonmingla bad ia ka Jessica ioh kurup haduh 183.49 grams u Heroin

Shillong, Jylliew 15: Ki pulit jong ka East Khasi Hills kiba dei na kane “ Anti Narcotic Task Forces” ha ka jingialeh ban thwet ia ki nongkhaii drugs kila ioh ban kem ar ngut ki nongkhaii u Sonmingla Hangboi  bad ka Jessica Mate.

Ha kaba nyngkong ki pulit kila ioh ban kem ia u Sonmingla Hangboi  bad na u kila ioh ban kurup haduh  183.49 Grams u heroin bad khatsan tylli ki synduk sabon na iing jong u.La kurup ia kine ki jingdih buaid katkum ki kyndon jong NPDS Act.

Ha kaba nyngkong ki pulit kila ioh ban kem ia u Sonmingla bad ha dien ka jingpla ka jong u la ioh ban kem ia ka Jessica Mate. Haba la tohkit la sngewthuh ba kane ka Mate kala ai noh ia ka pla ha u wei u khynnah shynrang ban lait ka shah kem.

Da ka jingioh kem ia kine ki ar ngut ki pulit ki don ka jingngeit skhem ba kin sa ioh kem ia ki nongkhaii kiba heh ha kane ka kam khaii drugs, ong ka kyrwoh pulit.

What Next?

Recent Articles

Leave a Reply

Submit Comment

*