Kem ki pulit Jowai 3 ngut kynthup ia u PSO u bah Kyrmen, kynnoh ba  shoh ia ki draibar trok

Shillong, Naiwieng 15: Ki pulit jong ka Jowai police Station mynta ka sngi ha ka 3.30 baje mynstep kila ioh ia ka jingpyntip ba kala don ka jingiasoh ha dat hapoh jong ka Hill Top Dhaba, Riat Turim, Khliehtyrshi kaba hap hapoh jong ka West Jaintia Hills District.

Na kaliang jong ki pulit Jowai kila iathuh ba mar ia ioh ia kane ka jingtip kila phah ia ki pulit, sha katei ka jaka bad na ka jingtohkit kiba shah kynnoh ba kiba la don kti ha kane ka kam shoh briew ki long u Thmubait I Dkhar ,u Changki Luhuid bad u Deibormi Lyngdoh kiba la shah kynnoh ba kila shoh ia ki ar ngut ki draibor Trok.

Ha dien ki pulit kila kem ia kitei ki lai ngut ki briew kiba la shah kynnoh ba kila don kti ha kaba shah ia kitei ki nongniah trok ar ngut, ki pulit kila lap ba u Thmubait I Dkhar u dei u Personal Security Officer  jong u Bah Kyrmen Shylla u ba dei na ka tnad Special Branch Security Wing, na ka kynhun pulit 3rd Battalion.

Ki draibar trok kiba la shah kynnoh ba kila shah shoh ha kitei ki lai ngut ki briew long u Passang Dorji bad u Jity Kami. Kine ki ar ngut kila ai ia ka FIR sha ki pulit bad na ka liang jong ki pulit kila krem ia kitei ki lai ngut ki briew bad mynta la sngi la rah ia ki sha iing bishar.

What Next?

Recent Articles

Leave a Reply

Submit Comment

*