Shillong, Niawieng 03: ka kong Joybiful Suchiang na ka shnong Iooksi kaba hap hapoh jong ka West Jiantia Hills District kala ai da ka jingujor sha ki pulit jong ka Jowai ha ka 30.10.2018 pyrshah ia la u kurim ba rim jong ka.
Ha kane ka jingujor ka kong Joybiful kala kynnoh ba ha ka 30 Risaw 2018 u kurim ba rim jong ka u bah Shibormi Lyngdoh 27 snem u la rah da ka bor ia u khun shynrang jong ka ba dang lai snem ka rta da ka jingthmu ban phai ia u.
Ha ka jingujor ka kong Joybiful kala ong ba dang don bok ba la ioh ban pynlait im ia u khun jong ka. Halor kane ka jingujor jong katei ka long kmie na ka liang jong ki pulit kila kem ia u bah Shibormi bad mynta ka jingtohkit ka dang iaid ong ki pulit.
