Shillong, Nohprah 04: Ha ka miet sngi nyngkong ki pulit kila pynlong ia ka jingkhynra ia ki ar tylli ki iing ha Madanriting kawei ka Blok D bad kawei ha Blok F, ha kane ka jingleit khynra kila ioh ban kem lain gut ki briew bad la ioh ban kurup ruh 98 grams u heroin bad ka pisa T.1,76,020 /-.
Haba kren ha ki nognthoh khubor mynta ka sngi u Superintendent jong ki pulit jong ka East Khasi Hills District u Davis N R marak, la ong ba ki pulit kila bud dien ia kine ki briew la kham slem bad ha ka miet sngi nyngkong la ai bor ba kin khynra ia ka iing sah jong ki.
Ki pulit kila sdang ban khynra nyngkong ia ka iing jogn ka Rebecca Mar 35 snem ha Blok D kaba shong lang bad u lok jong ka u Vanla Muya Mar 28 snem na ka iing jong ki la ioh kurup 23.42 grams bad 12.98 grams u heroin ba bha bha bad ka pisa T.34,760/-
Ha dien kane la khynra ruh ia ka iing jong ka Lalpenglawli 53 snem ka rta ha Blok F bad na kane ka iing la ioh ban kurup 61.6 grams u heroin bad ka pisa T.1,41,260/-.
Baroh u heroin ba la ioh ban kurup ka long 98 grams bad ka pisa kala kot sha ka T. 1,76,020/- tyngka.
Ia kine ki lai ngut kiba la shah kem la pynngat hapoh ki kyndon jong ka NDPS Act. Ia kine la rah sha iing bishar mynta ka sngi. La ong ba ha ka iew jong ka pyrthei u ne u drugs ba la ioh kem kala kot sha ka T.9.8 lak tyngka.
La iathuh ba mynta u snem baroh u drugs bala ioh ban kurup ka long 1.5 kilo bad ki dawai kuli 20 hajar song bad baroh ki mukot duma kiba la register ki long 49 tylli ha kaba ia dei bad ki kam khaii drugs. Ki pulit ki shim ba kitei ki lai ngut ki dei ki nongshallan drugs ba ha khmat eh.
Na ka liang jong ki pulit ki kyntu ia ki paidbah ban ia treilang ha kaba iakhun pyrshah iakane ka jingsniew kaba la pynjot ia shibun ki khun samla jong kane ka nongbah Shillong bad bunr uh ki briew kiba la rangbah ruh kila ngar ha kane ka jingdih kaba sniew.
