Shillong, Nailur 20: Mynta ka sngi ka kynhun Anti Narcotics Task Force (ANTF) jong ka West Jaintia Hills District ha dien ba kila ioh jingtip kila leit ban kem ia ka kong Graceful Sumer, 37 snem ha ka por 11.00 baje mynstep na kawei ka dukan sha ha Iewmusiang.
Ha kane ka jingkem ia ka kong Sumer ki pulit kila ioh ban kurup haduh 14.06 gram u Heroine na ka dukan sha ia kaba la buhrieh ha ka synduk sabon hapoh katei ka dukan sha. Ka jingkem jong ki pulit ia kane ka long kmie ka long ha dien ba kila ioh ia ka jingtip kaba bniah.
Ki pulit kila kurup ia u ne u Heroine ha khmat jong ki briew kiba don ha kane ka dukan kum ki nongsakhi kiba ia don lang ha kane ka por. Na ka liang jong ki pulit kila register ia ka mukotduma hapoh ka kyndon 21 jong ka ain NDPS Act.
Na ka liang jong ki pulit kin dang beteng ia ka jingthohkit ban lap ia ki briew kiba ia don kti ha kane ka kam khaii drugs ba kumno kine ki jingdih kiba siew ki poi sha Jowai.
