Maligaon, Naitung 04: Ha kine ki khyndait sngi ki pulit jong ka Railway Protection Force kila ioh ban kem 7 ngut ki nonglute kiba juh mlien ban lute ia ki nongleit nongwan da ki rel, ha ka juh ka por la ioh ruh ban pynlait ia ki 12 ngut ki khynnah kiba la ialam bakla ia ki sha ki kam sniew.
Dang ha kine sngi ki pulit jong ka RPF kila ioh ban kem san ngut ki briew na Katihar bad la ioh ban kurup na ki 28 tylli ki Ativan tablets 2 mg, katba na Guwahati Railway Station la ioh ban kem u wei bad na u la ioh kurup ia ka pisa ki Mobile kiba la thuh na ki nongleit nongwan.
Ia kine kiba la ioh kem baroh na ka liang jong ki pulit RPF kila aiti sha ki pulit jong ka jylla Assam ban leh ia kaba don kam katkum ka ain. Na ka liang jong ki RPF kila pynlong ia ka jingpeit bniah ha ki jaka sangeh rel ba la bun ki nonglute ia ki nongleit nongwan.
