Maligaon, Naiwieng 04: Ka kynhun pulit kaba la tip kum ka Railway Protection Force (RPF) jong ka Northeast Frontier Railway, kala pynlong ia ka jingkhynra ia ki Rel kiba iaid ha ki jaka bapher bapher ha dien ba kila ioh ia ka jingtip ba don kiba rah tiar ba long beain.
Ha kane ka jingkhynra kila lap ia kawei ka pla kaba don shibun ka pisa ba dei jong kawei ka kynthei haka 3/11/2022 na Lumding Railway Station na ka rel No. 12068 DN, Jan Shatabdi Express ka pisa kaba thep ha katei ka pla ka long T.33.70 lak tyngka ia kane ka kyntheoi la kem bad la aiti ha ki pulit ka Lumding.
Ki shipai RPF jong ka N. F. Railway ki juh pynlong ia ka jingtalasi kaba man ka por ban iada na ka jingdon ki briew kiba leh ia ki kam baain, kane ka jingleh ka long ban ai ka jingsngewshngian ia ki nongleit nongwan kiba leit ba wan da ka rel.
