Shillong, Jylliew 25: Mynta ka sngi ki pulit jong ka West Garo Hills District ki la ioh ban kem hynniew ngut ki briew kiba dei kynhun kiengatiar kiba la don kti ban rahbor ia u wei u briew na Dobasipara.
Kine ki riewsniew kila rahbor ia u wei u briew katba u dangwan phai na East Garo Hills ha ka 23rd Jylliew, 2020 na jan Romba a shnong Adingre ka ba hap ha West Garo Hills District hynrei la pynlait ha ka 24/6/2020 ha di en bala siew ia ka bai kliarwait.
Na kine kiba la ioh kem la ioh ban kurup kawei ka Carbine, lai tylli ki kuli 7.6mm, kawei ka pistol bala shna ha China, saw tylli ki Magazines, ar tylli ki bom grenades, ar tylli ki mobile phone, bad ka pisa T. 3,26,500/-tyngka ka ba kila ioh na u nongshah rahbor.
Bun na kine kiba don kti ha ki kam rahbor dei ki briew kiba la pyndem wait na ka kynhun GNLA. Ia ka mukotduma la register hapoh jong ka Tura police station hapoh ki kyndon jong ka Indian Penal Code. 
