Shillong,Risaw 19: Ki shipai BSF kiba don ha khappud bad ka Bangladesh kid a pyrkhing bha ha kaba pahara ia u pu u sam bad mynta ka sngi kila ioh ban kem ar ngut ki briew kiba la shah kynnoh ba ki don kti ha ki kam khaii masi beain sha Bangladesh bad mynta ka taiew ki BSF kila ioh ban kurup haduh 218 tylli ki masi na khappud.
Na kiba bun ki masi la ioh ban kem na ki thain Pynursla, ki ar ngut kiba la shah kem ki long Bah Wan Khongsdam bad u Bah Pynbiang Sohkhlet, kine la kem katba ki dang thmu ban phah ia ki masi na lynti iew thymmai ia ki la kem na Mawkyrnot, Na ka kali kaba ki kit la ioh kurup 30 tylli ki Masi.
Katba na Tuka la ioh ba kem haduh 96 tylli ki masi katba ki briew kila ioh ban phet krad na katei ka jaka ha ka na ka daw jong ka jingkhlaw palat. Kane ka jingkhun jong ki BSF ia ki nongkhaii masi beain kala dang kham pyrkhing shuh shuh namar ban khanglad ia kane ka jingiakhaii tuh ha khappud bad ka Bangladesh.
Ka jingpyrkhing mynta na ka liang jong ki BSF nalor ban khanglad ia ka jingiakhaii masi tuh, kaba kham kongsan ka long ban khanglad ia ki Rohingya Muslims Muslim ioh ki wan ban rung tuh sha India lyngba ka khappud jong ka Bangladesh sha India.
