Shillong, Nohprah 24: Ki shipai BSF kiba don ha Naljuri kila ioh ban kem 10 tylli ki masi katba ki nongkhaii beain ki dang ialeh ban pynrung ia ki masi sha Bangladesh, kane ka hap hapoh jong ka West Jiantia Hills District hapoh ka jingpeit jong ka Dawki Police Station.
Na ka liang jong ki pulit kila pyntip paidbah ba lada don mano mano ba jah masi kin wad jingtip na Dawki Police Station, kane ka long kaba kham phylla ba baroh shiphew tylli ki masi kiba la thmu ban phah sha Bangladesh ki dei ki masi shynrang.
