Shillong, Jymmang 05: Ha ka sngi palei ki shipai BSF kiba don ha Amlarem jong ka West Jaintia Hills District kila ioh ban bat iaki san tylli ki trok kiba kit masi bad haba la peit la shem ba ki don haduh 70 tylli ki Masi.
Na kitei ki san tylli ki trok lai tylli ki la phet noh wat la ki BSF kila phah ba kin sangeh, na ka liang jong ki BSF kila beh kthong ia ki, ha kane ka jingbeh kthong ki nongniah iaki trok kila ieh ia ki kali ha surok bd phet sha khlaw.
Ha kane ka jingiabeh kthong la ioh ban bat san tylli ki trok bad kawei ka Bolero Pickup, ia kiba la shah kem la shem ba ki dei na jylla Assam, la aiti ia ki sha ki pulit jong ka Amlarem Police Station ban leh ia kaba don kam katkum ka ain.
