Shillong, Nailur 24: Mynta ka sngi ki pulit special cell kila bud dien ia u wei u briew u ba ki ishan khmat naduh khyndail
ad sha duh Motphran bad hiar sha Umsohsun bad ha kane ka por kila don ki briew kiba wan ia kynduh bad shim ei ei na kti jong u ha kane ka por ki pulit kila bat ia u.aila
Ha dien ba la dep ban bat, la pyntip sha ki bor ba dei peit ia Narcotic Cell ba kin wan ha kane ka jaka ban leh ia ka jingtohkit baroh bad ban test ia ki kynja powder kiba la ioh kem la ki dei ne em ki drugs kumba kila suba. Katba ki briew kiba wan thied kila ioh ban phet.
Na ka liang jong ki pulit ka tnad ba dei peit ia ki kam drugs kila test ha katei ka jaka kaba la kem ia u ne u nongdie bad la pynshisha ba une u kynja powder ba la ioh ban kurup na ka met jong u ia kaba thep ha ki tin golden la shem ba u dei u heroin bad ka jingkhia ka long 1.58 gram.
Katkum ka jingkylli jong ki pulit une u ba la shah kem u la pynithuh ia lade ba ka kyrteng jong u ka long Daniel Khongwir bad u la kam ba u shong u sah ha Sanmer. Na u la ioh ban kurup T.1861 tyngka bad kawei ka mobile phone.
