Shillong, Kyllalyngkot 12: Mynta ka sngi ki pulit jong ka East Jaintia Hills District ha dien ba kila ioh ia ka jingtip kaba bniah kila pynlong ia ka jingap ktem ha Ratacherra ha jan Umkiang ha kaba kila ioh ban kem saw ngut ki nongkhaii drok.
Na ka liang jong ki pulit haba kila ioh ia ka jingtip ba ka don kawei ka kali kaba don ia u Number ML-11-3832 ba ki don ki briew kiba shong ha kane ka kali kiba la suba ba ki dei ki nong khaii drok, halor kane ka jingtip ki pulit kila ap ha Ratacherra.
Haba kane ka kali kala poi sha kane ka jaka ki pulit kila pynsangeh bad talasi ia kane ka kali bad na kine ki saw ngut ki briew kiba don ha kane ka kali kila ioh ban kurup haduh 1.2 kilo ki kuli dih pynbuaid kiba la tip kum ki Yaba na ki briew kiba shong ha kane ka kali.
Kiba la shah kem ha ki pulit ki long u Sajul Islam, u Jabir Husain Barbhuiya, u Abdul Mohit Barbhuiya bad u Ratikul Islam Barbhuiya, ki pulir kila register ejahar pyrshah ia kine ki briew kiba la kem na katei ka jaka.
Ki pulit ki khmih lynti ba da ka jingioh kem ia kine ki briew kim lap ksai ia kiba wan die bad ia ki nongthied kiba don kti ha kane ka kam kahii drok, ia kane ka kynhun pulit ban kem ia kitei ki nongkhaii drok la ioh ban kem hapoh ka jingialam jong u Additional SP u bah B Jyrwa jong ka East Jaintia Hills District.
