Khang khyrdep ka FKJGP ia ki dukan bym don ia ka Trading License na ka KHADC

Shillong, Nailar 18: Ka seng FKJGP East Khasi Hills District ha ka jingialam jong u Bah Elton Warjri  President  Ka EKHD bad Bah Reginald Thabah, Asst Information secy Seng Kmie ki lah leit ban khynra biang ia ki dukan ha ka thain Stand Jeep, Garikhana, Upper Mawprem bad ha Last Stop Laban, ha kane ka jingkhynra la lap ba dang bun ki trai dukan ki bym shem don ka trading licence bad ka Labour licence, don ruh ki dukan kiba la buh 5 snem tam hynrei haduh mynta kim tip kaei kata ka trading licence. Hangne ka seng ka buh jingkylli hato ka District council ka phah ne em ban check ia kine ki dukan ha ki thain upper mawprem bad  la shem ruh ba don ki inspector na ka district council kaba ki leit da lade ban pyn renew ia ka trading licence jong ki mynder ha ka jaka ba kin wan renew ha poh ka ophis dalade, kine ki inspector ki pynsuk ia ki mynder haduh ka  jaka shong ban ioh jingmyntoi ialade kane ka wanrah ruh ia ka jingartatien na ka liang ka seng ba kumno u inspector dalade yn leit pynbiang ia ki jingdonkam jong ki mynder nongkhaii hato na ka liang u EM ka trade u tip ne em ia kane ka rukom trei kam jong ki staff ka KHADC. Ha kaba iadei bad ka dukan ha last stop Laban la lap ba ka don kawei ka jaka ba die shyiap bad maw jong uwei u mynder kaba ia kane ka kam la knieh noh da une u mynder hi lyngba ka jingioh ia ka trading licence na ka KHADC ha kaba ia kane ka jaid kam la seng shuwa da ki khasi ha kane ka thain, ka jingkylli kaba mih balei ka district council hadien ba ka la iohi ba ia kane ka jaid kam la dep don lypa ki trai ri kiba khaii bad leh ia kane ka kam balei ka dang ai ia ka trading licence, bad katkum ka trading of non tribal act ka kren shai ba u non tribal ym lah ban leh ia ki kam khaii haba la don ki trai shnong kiba lah ban leh  ia ka kam. Ka seng FKJGP ka buh ka jingkylli hato ka District council ka kwah ban pyniap ja ia u trai ri trai muluk, Ka seng ka dawa ba ka KHADC kam dei shuh ban renew ia kum kine ki trading licence haba u jaidbynriew  lajong u la lah ban leh ia ka kam. Bad kaba sngewlyngoh ba kumno une u mynder u lah ban khaii maw kahii shyiap haba ia kine ki mar la khaii tang ki khasi .Ka FKJGP kan sa leit ban kynduh ia u CEM ha kane ka taiew ban wan, ban pynsngew ia kane ka jingleh jong kine ki inspector bad ka jingai trading licence wat ha ki jaka ba la don ki trai ri kiba leh ia ka kam. Ka FKJGP hadien ba ka la bud dien ia ki katto katne ki dukan ki bym shem la don trading licence mynta la saw bnai la lap ba dang bun ki dukan ki bym shem la khein snep ia ka iktiar ka KHADC bad kim leh ruh ia kata ka trading licence bad na ka liang ka seng ka la leit khang noh mynta ka sngi namar ka jingbym burom ka jong ki ia ki ain ha kaba iadei bad ka Trading of Non Tribal regulation Act, 1954. Ka FKJGP ka maham tyngeh ia kito ki briew kiba don kti ban pynleh ia ki trading licence sha kito ki mynder ki bym don wat ia ki kot ki sla kiba biang bad ka seng ka maham ba lada lap kan pynshitom ia ki katkum ka ain kane ka long ka kyrwoh na u Bah Reginald Thabah, Asst. Information Secy, Seng Kmie

What Next?

Recent Articles

Leave a Reply

Submit Comment

*