Shillong,Nailar 21: Ka Hynniewtrep Youth Council Ri-Bhoi District mynta ka sngi ki dkhot ki la leit ban tohkit ia ka ophis jong ka Pragya Foundation kaba dei ruh ka ophis ban shim admission na bynta ki ba pule B,Ed bad ki jingpule bapher bapher kaba don ha Pahamrioh, Nongpoh, Ri-Bhoi District.
Na ka liang ka seng ka lah ioh ban kynduh ia u Co-ordinator uba dei u nong khmih jong katei ka ophis bad haba pyrshang ban wan bniah ia ka jingdon katei ka ophis ka seng ka la lap ba bun ki jingduna haba iadei bad ki jingbym don ki kot ki sla kiba tikna haba ia dei bad ka jingithuh na ka sorkar jylla kam shem la don ka syrnod ban pynshisha da ka sorkar jylla.
Kumta ka la pyn artatien ia ka seng shibun eh ia katei ka jaka shim admission na bynta ki samla pule bad la ong ruh ba ki ba thmu ban pule B,Ed bad ki wei ki jingpule ki hap ban shim admission na katei ka ophis ba don ha Pahamrioh katba ka jingpule ki hap ban leit pule sha Delhi, la ong u Samla Hercules Suting General Secretary HYC Ri-Bhoi District
Shuh shuh haba phai pat ia ka jingdon katei ka ophis mynta lah dap artad shisnem phewse katei ka kompeni kam shem la lah satia ban don wat ia ka trading licence kaba dei ban ioh na KHADC ha shwa ba kan buh iakatei ka ophis.
Ka jing bym don trading licence katei ka ophis pragya foundation ka la leh ki kam be-aiñ, kumta na ka liang ka seng haba lap ia kitei ki jing duna ka la khang noh shi syndon ia katei ka ophis bad ka la buh jing maham ruh ba kim bit ban plie katba kim pat lah ban pynbiang ia ki jingdon kam.
Ka seng ka pynshai ruh ia ki paidbah khamtam kito kiba ba thmu ban leit pule haka tei ka institute ki dei ban husiar bha bad kim dei ban ngop kulmar lada ym ioh ka jingpynshai bad jingtip ba tikna lah ong ka kyrwoh na u Vice-President HYC Ri-Bhoi District Samla Jayson Nongrum.
