Shillong, Jymmang 12: Ka tnad ba dei peit ia ka khaii pateng jong ka KHADC kala phah ia ki enforcement ban leit jurip ia ki dukan kiba don ha Nongjri, Nonghyllam bad Umsur kiba hap hapoh jong ka South West Khasi Hills District ban lap na ki briew kiba ia khaii pateng ha katei ka thain ki don em ia ka trading laisen.
Ha kane ka jingleit jurip jong ki briew na ka tnad khaii pateng jong ka KHADC la shem ba bun ki dukan kim don ia ka trading laisen bad na ka liang jong ki enforcement kiba dei na ka liang jong ka KHADC kila khang tala ia ki ha ka sngi Saitjain.
Ban pynthikna ba ki briew jong ka KHADC ki dei ban khang ia ki dukan bym don ia ki traiding laisien dei ban khang, ki dkhot jong ka HYC ruh kila ia don lang ha katei ka sngi. Ha kane ka jingleit khynra la ong ba bun ki dukan ha ki tei ki lai tylli ki shnong kila sah khang tala namar kim don ia ki trading laisen.
